Групата на темјанушкоцветни растенија (односно Violaceae или уште Alsodeiaceae Ј.Г. Агард, Leoniaceae DC. и Retrosepalaceae Дулак) е фамилија на скриеносемени растенија која се состои од околу 800 вида распоредени во 21 род. Името доаѓа од родот Viola (темјанушка или љубичица).

Постарите системи, како Кронквистовиот, ја сместуваа оваа фамилија во ред кој бил именуван по неа - Violales. Но, поновите класификациски системи ја сместуваат во редот Malpighiales
[уреди] Опис
Темјанушкоцветните се повеќегодишни растенија, но мал дел се годишни, најчесто грмушки. Простите листови може да алтернираат или да се наспрамни, често со лиснати или поретко со редуцирани прилисници. Некои видови имаат палмовидни оформени листови или длабоко всечени листови. Многу видови се бесстеблени (акаулесцентни). Соцветијата се со единечни цветови. Тие се хермафродитни, обично зигоморфни или актиноморфни, со чашка од пет чашкини ливчиња кои остануваат и по цветањето. Венчето е со 5 најчесто нееднакви венечни ливчиња, при што најантериорното венечно ливче е поголемо. Андрецеумот е претставен со пет прашници, од кои абаксијалниот е често насечен во основата. Гинецеумот се состои од три споени плодни ливчиња со една локула. Столпчето е просто, плодникот натцветен, со многу семенови зачетоци. Плодовите се капсули. Семето е со ендосперм.

titanik

Титаник бил Британски прекуокеански патнички пароброд од класата Олимпик сопственост на Вајт Стар Лајн, компанија која организирала редовен прекуокеански сообраќај помеѓу Велика Британија (обично од Саутхемптон) и САД (обично до Њу Јорк). Бил изграден во бродоградилиштето Харланд и Вулф. Во времето кога бил изграден, бил најголемиот патнички брод. Бил изработен според најсовремените технологии и популарно се верувало дека е „непотоплив“. Палубите и просториите од првата класа на бродот биле особено луксузни и убаво уредени.

Имал носивост од 46.328 бруто-регистарски тони, должина од 269,1м, парни турбини со 59.000 коњски сили, максимална брзина при полн товар од 24 јазли (44,57 км/ч) и капацитет од 3.547 патници.

За време на првото патување, Титаник удрил во санта мраз во Северниот Атлантик пред полноќ на 14. април 1912 ситни и потонал два часа и четириесет минути подоцна, на 15. април. Тоа бил голем шок за јавноста, особено што потонувањето завршило со огромни загуби од 1517 патници, што е една од најголемите поморски цивилни несреќи.


Носот на Титаник снимен од Руската подморница Мир I.Остатоците од Титаник биле пронајдени на координати ( 41°43′55″N, 49°56′45″W ) на океанското дно на длабочина од 3800м на 1. септември 1985 година од заедничка американско-француска експедиција, 22км подалеку од последната позната позиција на бродот. Крмата лежела 600м подалеку од носот на бродот, а голем дел од предметите и делови од бродот биле расфрлани на морското дно помеѓу нив.

Стефани Џоан Анџелина Германота (англ. Stefani Joanne Angelina Germanotta), (родена на 28 март 1986), или подобро позната под своето сценско име, Лејди Гага (англ. Lady Gaga) е американска пејачка.
Кариера
Откако била пријавена и наскоро испадната од Деф Џем Рекордс на 19 години, таа почнала да изведува на музичката рок сцена во ниската источна страна во Њу Јорк. За тоа време, таа исто така работела во Интерскоп Рекордс како пишувач на песни за неколку стабилни имиња, вклучувајќи го и Ејкон, кој, откако ја слушнал Гага како пее, го убедил раководителот на Интерскоп, Џими Ајовин да потпише договор со неа. Нејзиниот деби албум, The Fame (Слава), беше објавен во август 2008 година со голем успех и одлични коментари од критичарите и публиката. Како потврда за во главно позитивните критики, албумот се искачи на првото место во четири земји, исто така искачувајќи се на врвот на Билборд Топ Електроник Албумс. Првите два сингла, Just Dance (Само играј) и Poker Face (Покерско Лице) станаа број еден интернационални хитови, а вториот беше номиниран и за Бест Денс Рекординг на 51. доделување на греми наградите. Во 2009 година, Гага тргна на својата прва турнеја, The Fame Ball Tour. До денеска таа има продадено над 20 милиони дигитални синглови и 3 милиони албуми ширум светот. Во музички поглед, Гага е инспирирана од глам-рокери како што е Дејвид Боуви и Квин, но исто така и од поп пеачи како Мајкл Џексон и Мадона. Таа исто така е инспирирана од модата, за што таа тврди дека е важна компонента за нејзиното пишување текстови и изведби. Таа исто така е многу голем поддржувач на геј заедницата, велејќи дека тие се заслужни за нејзиниот ран успех.
The Fame
The Fame е првиот студио албум од Лејди Гага, за првпат објавен на 19 авугст, 2008 година од страна на Интерскоп Рекордс. Албумот постигна неверојатен успех, по што следеше специјално и дополнето издание на истиот, со неколку нови песни.
Листа на песни 1. Just Dance (featuring Colby O'Donis and Akon) 2. LoveGame 3. Paparazzi 4. Beautiful, Dirty, Rich 5. Eh, Eh (There's Nothing Else I Can Say) 6. Poker Face 7. The Fame 8. Money Honey 9. Again Again 10. Boys Boys Boys 11. Brown Eyes 12. Summerboy 13. I Like It Rough (Canadian iTunes, Mexico, Australian, selected European bonus track)

Балетот е формализиран танц со потекло од францускиот двор, подоцна развиен во Франција и Русија како концертна форма на танц. Балетот е танц со висока техничка форма и сопствени изразни средства. Првенствено се изведува со придржба од класична музика. Поради својата техничка сложеност и естетска вредност, балетот се смета за најпрестижна форма на танц, и поради тоа е прифатен ширум светот.
Балетските претстави се кореографирани и вклучуваат мимика, глума и се придружени со музика (обично оркестарска). Првобитната форма на балетот денес се нарекува класична, а покрај тоа постојат и нео-класичен и модерен балет.
Зборот балет потекнува од латинскиот ballare што значи танцување